ცაგერის მუნიციპალიტეტის სოფელ ლაჯანაში მდებარე საზოგადოებრივ ცენტრში ლადო ასათიანის სახელობის ბიბლიოთეკა გაიხსნა. ბიბლიოთეკა იუსტიციის მინისტრმა, თეა წულუკიანმა გახსნა, მანამდე კი, მისთვის ქართველი პოეტის სახელის მინიჭებასთან დაკავშირებით ადგილობრივი თვითმმართველობის წევრებს ინიციატივით მიმართა.
ხონის მუნიციპალიტეტის სოფელ გორდში ახალგაზრდული ბანაკი გაიხსნა. ხონის გამგეობის ცნობით, ICSU ბანაკის გახსნას იმერეთის მხარის ვიცე გუბერნატორი პაატა ნადირაძე, ხონის მუნიციპალიტეტის გამგებელი ჯემალ მებუკე და სამტრედიის მუნიციპალიტეტის გამგებელი ვალერიანე ფოცხვერია ესწრებოდნენ.
ახალი საბავშვო ბაღის მშენებლობა სრულდება ლანჩხუთის მუნიციპალიტეტის სოფელ ნიგოეთში. რეგიონული განვითარებისა და ინფრასტრუქტურის სამინისტრო საქართველო მასშტაბით 87 საბავშვო ბაღის მშენებლობა-რეაბილიტაციის ძირითადი ნაწილის დასრულებას ახალ სასწავლო წლისათვის გეგმავს.
მარტვილის მუნიციპალიტეტის სოფელ თამაკონში საბავშვო ბაღის ეზოს კეთილმოწყობის სამუშაოები მიმდინარეობს. სამუშაოები მარტვილის მუნიციპალიტეტის გამგებელმა, ალექსანდრე გრიგალავამ და გამგებლის პირველმა მოადგილემ, გიორგი გოროზიამ დაათვალიერეს.
ლანჩხუთის მუნიციპალიტეტის სხდომათა დარბაზში ლანჩხუთის საჯარო სკოლის კურსდამთავრებულებს მედლები გადაეცათ. მუნიციპალიტეტს სულ 18 მედალოსანი ჰყავს, აქედან 14 ოქროსმედალოსანია, ხოლო 4 - ვერცხლის.
ხობში, ხეთის თეატრონში „ნიკოლშოუსა" და დავით არჩვაძის მონაწილეობით კონცერტი ჩატარდება. კონცერტი, რომელიც ხვალ 17:00 საათზეა დაგეგმილი, ა(ა)იპ ხობის მუნიციპალიტეტის საგანმანათლებლო-საზოგადოებრივი ცენტრის ორგანიზებითა და ფინანსური უზრუნველყოფით იმართება.
კახეთის მხარის სახელმწიფო რწმუნებული-გუბერნატორი, გუბერნიის ადმინისტრაციული სამსახურის უფროსი სამუშაო ვიზიტის ფარგლებში, სიღნაღს ეწვია და ადგილობრივი თვითმმართველობის თანამშრომლებს შეხვდა.
ნინოწმინდის გამგეობის ცნობით, პროექტის ფარგლებში სოფელ ჯიგრაშენში გზის 1100-მეტრიან და სოფელ ეშტიაში 1650-მეტრიან მონაკვეთებზე ასფალტის საფარი დაიგო.
მესტიის მუნიციპალიტეტში უფასო გასინჯვის აქცია ჩატარდა. პაციენტებს ჩაუტარდათ უფასო ექოსკოპიური და კარდიოლოგიური გამოკვლევები, სისხლში გლუკოზის განსაზღვრა. აქციაში მონაწილეობა 110-მა პაციენტმა მიიღო.
ნინოწმინდის მუნიციპალიტეტის სოფელ განძაში ცნობილი სომეხი პოეტის, ვაჰან ტერიანის პოეზიისა და მისი სახლ-მუზეუმის დაარსებიდან 60 წლისთავისადმი მიძღვნილი სახალხო დღესასწაული იზეიმეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.