საქართველოს ფეხბურთის ფედერაციის საარჩევნო ყრილობის ერთ-ერთ დელეგატი გეგა გობეჯიშვილი არჩევნებში მონაწილეობას აღარ მიიღებს, - ამის შესახებ ჟურნალისტებს თავად გობეჯიშვილმა განუცხადა.
ფეხბურთის ფედერაციის პრეზიდენტის არჩევნებში მონაწილეობას აუცილებლად მივიღებ და რეზის ვუჭერ მხარს,- ამის შესახებ ჟურნალისტებს პატიმრობიდან გათავისუფლებულმა, გეგა გობეჯიშვილმა განუცხადა.
ფეხბურთის ფედერაციის გენერალური სამდივნოს ხელმძღვანელის რევაზ შენგელიას ინფორმაციით, მხარეებს შორის შეთანხმება შედგა და რამდენიმე წუთში დაიწყება რეგისტრაცია, რომელსაც არველაძის მხარდამჭერი დელეგატებიც გაივლიან.
არსებული მონაცემებით, ფეხბურთის ფედერაციის პრეზიდენტობის კანდიდატებს შორის ხმები შემდეგნაირად ნაწილდება - გეგა გობეჯიშვილის გამოკლებით, 35 დელეგატიდან 17 ლევან კობიაშვილს და ამდენივე რევაზ არველაძეს უჭერს მხარს. მამუკა კვარაცხელიას კი, სავარაუდოდ, ხმას არავინ მისცემს. ამდენად, გადამწყვეტი სწორედ ამ წუთებამდე დაკავებული გეგა გობეჯიშვილის ხმა იქნება, რომელიც რევაზ არველაძის მხარდამჭერად მოიაზრება.
ფეხბურთის ფედერაციის გენერალური მდივნის მოვალეობის შემსრულებლის დიმიტრი ბოკერიას განცხადებით, დაპირისპირებულ მხარეებს შორის მოლაპარაკებები მიმდინარეობს. მედიატორის ფუნქციას უეფა-ს წარმომადგენლები, მათ შორის გრიგორი სურკისი ასრულებენ. იმ შემთხვევაში თუ მოლაპარაკებები უშედეგოდ დასრულდება, არის იმის ალბათობა, რომ ყრილობის ჩასატარებელი ქვორუმი ვერ შედგეს და ყრილობა გადაიდოს.
რევაზ არველაძე და მისი მხარდამჭერები ხელოვნურად უქმნიან არჩევნებს პრობლემას, რადგან იციან, რომ დამარცხდებიან, - ამის შესახებ ფეხბურთის ფედერაციის პრეზიდენტობის კანდიდატმა, ლევან კობიაშვილმა ჟურნალისტებს განუცხადა.
ფეხბურთის ფედერაციის პრეზიდენტობის კანდიდატმა, რევაზ არველაძემ თავის მხარდამჭერ დელეგატებს დარბაზში შესვლისკენ და საარჩევნო ყრილობაში მონაწილეობისკენ მოუწოდა. ამის თაობაზე განცხადება არველაძემ რამდენიმე წუთის წინათ გააკეთა.
სასტუმრო "ჰოლიდეი ინნთან" ლევან კობიაშვილის მხარდამჭერი აქცია მიმდინარეობს. აქციის მონაწილეები, არჩევნებზე კობიაშვილის მხარდასაჭერად რეგიონებიდანაც ჩამოვიდნენ. მათ აქვთ პლაკატები - "კობი, დავიბრუნოთ ფეხბურთი", "კობი პრეზიდენტად", "ეს ჩვენი ბროძლაა", "გულშემატკივრები ვირჩევთ კობის" "არა არველაძეს".
ფეხბურთის ფედერაციის საპრეზიდენტო არჩევნები ამ დრომდე არ დაწყებულა. როგორც ეს ოფიციალურად იყო გამოცხადებული, საარჩევნო ყრილობა სასტუმრო "ჰოლიდეი ინნ"-ში, დილის 11:00 საათზე უნდა დაწყებულიყო, თუმცა ამ დრომდე დელეგატების და კანიდატების იმ დარბაზში შეშვებაც არ დაწყებულა, სადაც არჩევნები უნდა ჩატარდეს.
თუ გეგა გობეჯიშვილს არ გამოუშვებენ, არჩევნებში მონაწილეობას არ მივიღებ, - ამის შესახებ ფეხბურთის ფედერაციის პრეზიდენტობის კანდიდატი, რეზი არველაძე Facebook - ზე წერს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.