ამერიკის შეერთებული შტატების საელჩო საქართველოში სენატორ ჯონ მაკკეინის ხსოვნისადმი გამოხატული თანაგრძნობისათვის ქართველ მეგობრებს მადლობას უხდის.
გერმანიის კანცლერის, ანგელა მერკელის სომხეთში ვიზიტს ეხმაურება პოლიტოლოგი გია ნოდია, რომელიც „ფეისბუქზე“ მის მიერ გაზიარებული ვიდეოს კომენტირებისას ამბობს, რომ მერკელისადმი სომხეთის ხელისუფლებისა და სომეხი ხალხის დახვედრა „ადრეული მიშას [სააკაშვილის] რომანტიკული დემოკრატიის განწყობას გვაგონებს“, ხოლო საქართველომ კი კანცლერთან თავი მოიწონა „ღვინით, ხალხური სიმღერებით - როგორც საბჭოთა დროს“.
„ლეიბორისტული პარტიის“ ლიდერი და პრეზიდენტობის კანდიდატი შალვა ნათელაშვილი ყვარლის მუნიციპალიტეტის სოფელ გავაზში ჩავიდა და შექმნილ ვითარებას ადგილზე გაეცნო. ნათელაშვილის თქმით, ხელისუფლება არ დაუდგა გვერდით გლეხებს და ამის შედეგად ეს გუნდი, ვეღარ დარჩება ხელისუფლებაში.
ზუსტად 10 წლის წინ, 2008 წლის 26 აგვისტოს, რუსეთის ფედერაციამ საქართველოს 2 განუყოფელი ტერიტორია, აფხაზეთი და ცხინვალის რეგიონი „დამოუკიდებელ სახელმწიფოებად აღიარა“!
საქართველოს პარლამენტის თავმჯდომარემ, ირაკლი კობახიძემ ჟურნალისტებს განუცხადა, რომ საპრეზიდენტო კანდიდატთან დაკავშირებით მმართველი გუნდი პოზიციას 8 სექტემბრის შემდეგ დააფიქსირებს.
გურიის ყოფილი გუბერნატორი მერაბ ჭანუყვაძე „ქართული ოცნების“ ოზურგეთის ორგანიზაციის თავმჯდომარის თანამდებობის დატოვების შესახებ გავრცელებულ ინფორმაციას არ ადასტურებს. ამის შესახებ მან ჟურნალისტებს განუცხადა.
საქართველოს მესამე პრეზიდენტი მიხეილ სააკაშვილი ამერიკელი სენატორის ჯონ მაკკეინის გარდაცვალებას ეხმაურება და მას საქართველოს ეროვნულ გმირს უწოდებს. სააკაშვილი ვიდეო მიმართვას სოციალურ ქსელ „ფეისბუქში“ ავრცელებს, სადაც ამბობს, რომ მაკკეინი იყო საქართველოს დიდი მეგობარი და ასეთი მეგობარი ქვეყანას თავისი ისტორიის მანძილზე არ ჰყოლია.
„ლეიბორისტული პარტიის“ ლიდერი და პრეზიდენტობის კანდიდატი შალვა ნათელაშვილი ოკუპირებული რეგიონების მიერ ე.წ. დამოუკიდებლობის დღის აღნიშვნას ეხმაურება. ნათელაშვილმა განაცხადა, რომ მისი გაპრეზიდენტების შემთხვევაში სოხუმი გამოცხადდება საქართველოს დედაქალაქად, ხოლო ცხინვალი საპარლამენტო ქალაქად.
ჯონ მაკკეინის გარდაცვალებას გაერთიანებული ოპოზიციის „ძალა ერთობაშია“-ს პრეზიდენტობის კანდიდატი გრიგოლ ვაშაძე გამოეხმაურა. მისი თქმით, ჯონ მაკკეინის ხმა მუდმივად რუსეთის აგრესიის წინააღმდეგ რომ არ ყოფილიყო სენატში დღეს სამყარო გაცილებით უარესი ადგილი იქნებოდა.
„ლეიბორისტული პარტიის“ ლიდერმა და პრეზიდენტობის კანდიდატმა, შალვა ნათელაშვილმა შაბათის „კურიერში“ განაცხადა, რომ მთელი მსოფლიო ქართველი ხალხის არჩევანს ელოდება. მისივე თქმით, საქართველოს ხელისუფლებაში სრული ქაოსია ყველა სახის დიპლომატიურ ურთიერთობებში. ნათელაშვილი ანგელა მერკელის ჩამოსვლას „ჩრდილოეთის ნაკადის“ შეცვლას უკავშირებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.