გერმანიის ფედერალური კანცლერის, ანგელა მერკელის განცხადებით, საქართველო უსაფრთხო ქვეყანაა.
ანგელა მერკელმა ამ წუთებში მიმდინარე ბრიფინგზე განაცხადა, რომ გერმანია მხარს უჭერს საქართველოს ტერიტორიულ მთლიანობას.
„ჩვენ ვისაუბრეთ კონფლიქტის მშვიდობიანი მოგვარების პერპსექტივაზე“, განაცხადა საქართელოს პრემიერ მინისტრმა, მამუკა ბახტაძემ ამ წუთებში მიმდინარე ბრიფინგზე.
„გერმანია არის ჩვენი ძალიან აქტიური მხარდამჭერი და პარტნიორი ქვეყანა, რომელთანაც გვაქვს სტრატეგიული თანამშრომლობა და სურვილი, რომ ეს თანამშრომლობა იყოს კიდევ უფრო ღრმა და ყოვლისმომცველი“, განაცხადა ტელეკომპანია „იმედის“ ეთერში ევროპასთან ინტეგრაციის კომიტეტის თავმჯდომარემ, თამარ ხულორდავამ.
შეხვედრაში მამუკა ბახტაძესა და ანგელა მერკელთან ერთად, საქართველოსა და გერმანიის მთავრობის წევრები მონაწილეობენ. ამის შემდეგ ანცლერი პრემიერ მინისტრთან ერთად, მედიისთვის განცხადებებს გააკეთებს.
რეგიონული პოლიტიკის კომიტეტის თავმჯდომარის ზაზა გაბუნიას განცხადებით ფედერალური კანცლერის, ანგელა მერკელის საქართველოში ოფიციალურ ვიზიტს ძლიერი პოზიტიური რეზონანსი ექნება.
საქართველოს მთავრობის ადმინისტრაციაში, ამ წუთებში, პრემიერ მინისტრი მამუკა ბახტაძე გერმანიის კანცლერს, ანგელა მერკელს პირისპირ ხვდება. დაგეგმილია შეხვედრის გამართვა გაფართოებულ ფორმატშიც, რის შემდეგაც კანცლერი პრემიერ მინისტრთან ერთად, მედიისთვის განცხადებებს გააკეთებს.
სახელწმიფო კანცელარიაში ამ წუთებში გერმანიის კანცლერის დახვედრის ოფიციალური ცერემონია მიმდინარეობს. შესრულდა ორი ქვეყნის სახელმწიფო ჰიმნები და პრემიერ მინისტრმა, მამუკა ბახტაძემ და ანგელა მერკელმა ერთმანეთს ოფიციალური დელეგაციები წარუდგინეს.
საქართველოს ოფიციალურ ვიზიტად გერმანიის კანცლერი ესტუმრა. ანგელა მერკელის თვითმფრინავი თბილისის შოთა რუსთაველის საერთაშორისო აეროპორტში ამ წუთებში დაეშვა.
გერმანიის კანცლერის საქართველოში ვიზიტი ერთ-ერთი მნიშვნელოვანი პოლიტიკური გზავნილია მსოფლიოსთვის და ჩვენი საზოგადოებისთვის - აცხადებს პარლამენტის საგარეო ურთიერთობათა კომიტეტის თავმჯდომარის მოადგილე დიმიტრი ცქიტიშვილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.