განათლების, მეცნიერების, კულტურისა და სპორტის მინისტრი მიხეილ ბატიაშვილი აცხადებს, რომ შავი ზღვის უნივერსიტეტთან დაკავშირებით ავტორიზაციის საბჭომ მიიღო გადაწყვეტილება 1 წლით შეუჩერდეს უნივერსიტეტს ავტორიზაცია, მაგრამ განათლების სამინისტრომ უზრუნველყო, რომ არსებულმა სტუდენტებმა ჩვეულ რეჟიმს გააგრძელონ სწავლა და არც აბიტურიენტებს, რომლებმაც ეს უნივერსიტეტი აირჩიეს ერთი წელი არ ჩაუვარდეთ.
შავი ზღვის უნივერსიტეტის თურქული მხარის მოთხოვნით „განადგურებაში“ ადანაშაულებს ბიძინა ივანიშვილს საქართველოს ყოფილი პრეზიდენტი მიხეილ სააკაშვილი და აღნიშნულს „სამარცხვინო გადაწყვეტილებას“ უწოდებს.
გაერთიანებული ოპოზიცია „ძალა ერთობაშია“-ს პრეზიდენტობის კანდიდატმა, გრიგოლ ვაშაძემ კახეთში სეტყვისგან დაზარალებული მოსახლეობა მოინახულა. ვაშაძის თქმით, გლეხებისთვის გასაცემი არის კომპენსაცია, რომელიც ხელისუფლებამ უნდა გაიღოს. როცა 2012 წელს გლეხებს დიდ თანხის ოდენობის კომპენსაციის გაცემას ჰპირდებოდნენ, მაშინ „ქართულმა ოცნებამ“ ხალხი მოატყუა.
თბილისის მერი კახა კალაძე მერკელის ჩამოსვლას ევროკავშირის მხარდაჭერის კიდევ ერთ მესიჯს უწოდებს. კალაძის თქმით, საქართველოს მთავარი მიზანი დღესდღეობით არის ევროკავშირში გაწევრიანება, რისთვისაც მმართველი გუნდი ყველაფერს აკეთებს.
პრეზიდენტობის დამოუკიდებელი კანდიდატი სალომე ზურაბიშვილი ხელმოწერების შეგროვებას ბოლნისსა და დმანისსში განაგრძობს და ბიზნესმენებს მოუწოდებს მისი წინასაარჩევნო კამპანია დაუფინანსონ, რადგან როგორც ზურაბიშვილი იძახის, ის ყველას პრეზიდენტი იქნება. დამოუკიდებელი კანდიდატი დღეს „ფეისბუქზე“ გამოაქვეყნებს ანგარიშს, სადაც მსურველებს შეეძლებათ ჩაურიცხონ მას თანხა და დაეხმარონ კამპანიის წარმართვაში.
„ქართული ოცნების“ წევრი სოფიო კილაძე ამბობს, რომ სტრასბურგის სასამართლოში, რაც უფრო მეტი არგუმენტაცია იქნება წარდგენილი საქმესთან დაკავშირებით მით უფრო დაადასტურებენ, რომ ტატუნაშვილის მიმართ დაირღვა ყველა ის უფლება, რაც მას ადამიანის უფლებათა ევროპული კონვენციით ჰქონდა მინიჭებული.
„ნაციონალური მოძრაობის“ დეპუტატი რომან გოცირიძე აცხადებს, რომ ხელისუფლებას შეეძლო მსგავსი სარჩელი მანამდეც შეეტანა სტრასბურგის სასამართლოში. გოცირიძე ასევე ამბობს, რომ ტატუნაშვილის ვერაგულმა მკვლელობამ გამოაფხიზლა მმართველი გუნდი და რუსეთი უნდა დაისაჯოს საერთაშორისო თანამეგობრობის მიერ.
„ქართული ოცნების“ დეპუტატის დიმიტრი ცქიტიშვილის განცხადებით, მმართველ გუნდს სურს მხარი დაუჭიროს დამოუკიდებელ კანდიდატს და მიხეილ სააკაშვილის ბოდვები სერიოზულად არ უნდა მივიღოთ. ცქიტიშვილი ასევე ამბობს, რომ 2012 წლიდან საქართველოში არჩევნები სამართლიანად ტარდება.
საქართველოს პრემიერ მინისტრის, მამუკა ბახტაძის განცხადებით, მმართველ გუნდში, საპრეზიდენტო არჩევნებში მონაწილეობასთან დაკავშირებით, დისკუსია გრძელდება.
როგორც ჩანს, „მეოცნებეებში“ დიდი აზრთა სხვაობაა და ვაი-ვიშია საპრეზიდენტო კანდიდატთან დაკავშირებით. დიახ, არ იციან რა ქნან, როგორ გამოვიდნენ იმ სასაცილო და ამავდროულად, მათთვის „სატირალი“ მდგომარეობიდან, როდესაც განაცხადეს, რომ პრეზიდენტობის კანდიდატი არ ეყოლებოდათ?!
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.