აშშ-ს პრეზიდენტმა, დონალდ ტრამპმა 2018 წლის 13 აგვისტოს ხელი მოაწერა აშშ-ს ეროვნული თავდაცვის ავტორიზაციის აქტს (FY19NDAA). თავდაცვის ავტორიზაციის აქტი განსაზღვრავს 2019 ფისკალური წლისათვის აშშ-ს თავდაცვის დეპარტამენტის ბიუჯეტის პრიორიტეტებს. ნიშანდობლივია, რომ აქტის ჩანაწერის მიხედვით, საქართველო, ევროპის უსაფრთხოების კონტექსტში, შავი ზღვისა და ბალტიის ქვეყნებთან ერთად, მოაზრებულია როგორც აშშ-ს მოკავშირე და პარტნიორი.
გაერთიანებული ოპოზიციის, „ძალა ერთობაშია“ საპრეზიდენტო კანდიდატმა გრიგოლ ვაშაძემ ლეჩხუმში მოსახლეობასთან გამართული შეხვედრის შემდეგ განაცხადა, რომ საქართველოს დღევანდელი ხელისუფლება „აბსოლუტურად კორუმპირებული, უსაქმური და მავნებელია“ და საკუთარ მოქალაქეებს „გენოციდს“ უწყობს.
უწყებათაშორისმა კომისიამ სამართლიანი და თავისუფალი არჩევნებისთვის მესამე სხდომა გამართა. სხდომას უძღვებოდა შს მინისტრის მოადგილე ნათია მეზვრიშვილი. ღონისძიებას ესწრებოდნენ კომისიის წევრები − აღმასრულებელი ხელისუფლების, საარჩევნო პროცესში ჩართული პოლიტიკური პარტიების, ადგილობრივი არასამთავრობო და საერთაშორისო ორგანიზაციების წარმომადგენლები.
პრეზიდენტობის დამოუკიდებელმა კანდიდატმა, სალომე ზურაბიშვილმა თავის საინიციატივო ჯგუფის წევრებთან ერთად ცესკო-ს დარეგისტრირების მიზნით მიმართა.
„ძალა ერთობაშია“-ს საპრეზიდენტო კანდიდატმა, გრიგოლ ვაშაძემ ლეჩხუმში ამომრჩეველთან შეხვედრის შემდეგ განაცხადა, რომ სანამ ეროვნული ხელისუფლება არ მოვა ქვეყნის სათავეში, საქართველოს არაფერი არ ეშველება. ვაშაძე „ქართული ოცნებისთვის“ სახელის სასწრაფოდ გამოცვლას და მისთვის „კრიმინალების ორგანიზებული თანამეგობრობის“ დარქმევას მოითხოვს, რადგან მიიჩნევს, რომ „ეს არც ქართულია, არც ოცნება და არც ხელისუფლება არის“.
ამ ქალის [სალომე ზურაბიშვილის] დასახელებით ივანიშვილი ორი კურდღლის დაჭერას ლამობს - ერთის მხრივ, ის აწყობს მოსკოვს, მას შემდეგ, რაც მან არ გაამართლა ქართველი ხალხის ნდობა და უღალატა თავის ისტორიულ სამშობლოს, და, ამავე დროს, ივანიშვილს იმედი აქვს, რომ ზურაბიშვილის კანდიდატურის მეშვეობით მიაღწევს მის წინააღმდეგ საფრანგეთში დაწყებული სისხლის სამართლის საქმის შეწყვეტას“, აცხადებს საქართველოს ყოფილი პრეზიდენტი მიხეილ სააკაშვილი.
მმართველი გუნდის წევრებმა ათონელის ქუჩაზე, ორბელიანის სასახლეზე მიმდინარე სარეაბილიტაციო სამუშაოები მოინახულეს. მმართველი გუნდის წევრების მოსაზრება, რომ პრეზიდენტი ავლაბრის კი არა, ორბელიანის სასახლეში უნდა იყოს, სალომე ზურაბიშვილის განცხადებას ემთხვევა, თუმცა „ქართული ოცნების“ წევრები ჯერ კიდევ არ აკონკრეტებენ, დაუჭერენ თუ არა მხარს სალომე ზურაბიშვილს. პარლამენტის თავმჯდომარე ირაკლი კობახიძე აცხადებს, რომ „ქართულ ოცნებას“ არ ეჩქარება თავისი პოზიციის დაფიქსირება , რადგან სამართლებრივი ვადა 8 სექტემბრამდე აქვთ.
„ლეიბორისტული პარტიის“ თავმჯდომარემ და საპრეზიდენტო კანდიდატმა, შალვა ნათელაშვილმა თბილისში, მეტროსადგურ „რუსთაველთან“ საკუთარი მხარდამჭერების ხელმოწერების შეგროვების პროცესის გაცნობისა და ხალხთან შეხვედრის შემდეგ ეროვნული ვალუტის კურსის ცვლილებაზე ისაუბრა.
„ქართული ოცნების“ წევრი, დიმიტრი ხუნდაძე მიიჩნევს, რომ უმჯობესი იქნება „ქართული ოცნება“ საარჩევნო კამპანიაში საკუთარი კანდიდატით ჩაერთოს. იგი, თავის კოლეგებთან ერთად აღნიშნულ წინადადების შეთავაზებას „ქართული ოცნების“ ლიდერებისთვის აპირებს და ამავე დროს არ გამორიცხავს, რომ ეს საკითხი უმრავლესობის ფორმატში კენჭისყრაზეც დადგეს.
გაერთიანებული ოპოზიცია „ძალა ერთობაშიას“ პრეზიდენტობის კანდიდატმა, გრიგოლ ვაშაძემ განაცხადა, რომ პრეზიდენტი უნდა იყოს ავლაბრის სასახლეში, რადგან ამ შენობაზე უკეთესი ადგილი მოსახლეობის მისაღებად არ არსებობს საქართველოში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.