პარლამენტის თავმჯდომარემ, ირაკლი კობახიძემ პრეზიდენტის სასახლის თემაზე „შენების მოძრაობის“ თავმჯდომარის და საპრეზიდენტო კანდიდატის, დავით უსუფაშვილის მიერ გაკეთებული განცხადების კომენტირებისას თქვა, რომ უსუფაშვილმა „ყველანაირი კუთხით დაუშვა შეცდომა და უნდა ვაპატიოთ“.
„პარლამენტმა წინა სესიაზე დაამტკიცა სამშვიდობო ინიციატივა. ჩვენ გვაქვს გაცხადებული ჩვენი პოლიტიკა, ეს არის სამშვიდობო პოლიტიკა და ვმოქმედებთ ბუნებრივია ამ პრიორიტეტების შესაბამისად. ასევე, რაც ძალიან მნიშვნელოვანია, ხაზგასმით უნდა ითქვას ის, რომ ჩვენ გვაქვს ჩვენი წითელი ხაზები და ეს წითელი ხაზები პირველ რიგში დაკავშირებულია, რა თქმა უნდა, ტერიტორიულ მთლიანობასთან. ეს იქნება ამოსავალი წერტილი, ეს არის ურყევი პრინციპი, რომლის მიხედვითაც ჩვენ ვმოქმედებთ“, განაცხადა პარლამენტის თავმჯდომარემ.
ჰოლანდიის მიდელბურგის სასამართლომ „ლიბერთი ბანკის“ სამეთვალყურეო საბჭოს თავმჯდომარის, ირაკლი რუხაძის სარჩელის - „ირაკლი რუხაძე მიხეილ სააკაშვილის წინააღმდეგ“ - განხილვა დაიწყო. ქართველი ბანკირი საქართველოს ყოფილ პრეზიდენტს მის მიერ საბანკო მაფიასთან, მათ შორის „ლიბერთი ბანკთან“ დაკავშირებით გაკეთებული საჯარო განცხადებების გამო უჩივის და კომპენსაციას ითხოვს.
„ევროპული საქართველოს“ პრეზიდენტობის კანდიდატი დავით ბაქრაძე ოკუპირებული აფხაზეთის ყოფილი ე.წ. პრემიერ-მინისტრის, სერგეი შამბას განცხადებას ეხმაურება. ბაქრაძის თქმით, ყველა ინიციატივა უნდა გამოვიყენოთ, რადგან აფხაზების და ოსების ინტერესი ყველაზე უკეთ იქნება დაცული ერთიან ქართულ სახელმწიფოში.
უმრავლესობის წევრი ზვიად კვაჭანტირაძე პარლამენტის ყოფილი თავმჯდომარის დავით უსუფაშვილის განცხადებას სოციალურ ქსელში ეხმიანება. კვაჭანტირაძე წერს, რომ პერსონალური თავდასხმები პოლიტიკაში უკადრისი საქციელია.
პრეზიდენტობის დამოუკიდებელი კანდიდატი სალომე ზურაბიშვილი აცხადებს, რომ იქნება ქალების პრეზიდენტი. ზურაბიშვილი გმობს ქალთა მიმართ ძალადობას და პრეზიდენტობის შემთხვევაში აპირებს ამ პრობლემის მოგვარებას.
„საქართველოს ლეიბორისტული პარტიის“ პრეზიდენტობის კანდიდატი შალვა ნათელაშვილი სახელმწიფო უსაფრთხოების სამსახურის შენობასთან მივიდა და მალხაზ მაჩალიკაშვილის მიმართ სოლიდარობა გამოხატა. ნათელაშვილმა სუს-ის უფროსის, ვახტანგ გომელაურის უწყებას ჩატაევის თბილისში შემოყვანასა და მაჩალიკაშვილის „უდანაშაულო“ შვილის მკვლელობაში დასდო ბრალი.
პრეზიდენტობის დამოუკიდებელმა კანდიდატმა, სალომე ზურაბიშვილმა დიდ ჯიხაიშში, ნიკო ნიკოლაძის სახლ-მუზეუმში საპრეზიდენტო პროგრამაზე საუბრისას განაცხადა, რომ ახალი უსახური ეკლესიების აშენების მაგივრად კერძო სექტორის წარმომადგენლებმა ძველი კულტურული ძეგლების რესტავრაციაზე რომ დახარჯონ თანხები უკეთესი იქნება.
„როდესაც ინსტიტუციებზე ვსაუბრობთ, - აქ არ არის ლაპარაკი პარლამენტის თაჯდომარე, პრეზიდენტი, - საპარლამენტო რესპუბლიკაში კარგად უნდა გვესმოდეს, რომ პარლამენტი არის წამყვანი ორგანო, რომელიც არა მხოლოდ ახორცილეებს, არამედ აფორმირებს მთავრობას, აკონტროლებს მთავრობას, მთავრობასთან ერთად შეიმუშავებს ქვეყნის საშინაო და საგარეო პოლიტიკას და შემდეგ აკონტროლებს, თუ როგორ ხორციელდება ეს პოლიტიკა - განაცხადა ტელეკომპანია „პირველის“ ეთერში მთავრობის ადმინისტრაციის რეგიონული განვითარების სამსახურის ხელმძღვანელმა სოზარ სუბარმა.
პარლამენტის ვიცე-სპიკერი თამარ ჩუგოშვილი სერგეი შამბას განცხადებას ეხმაურება. ჩუგოშვილის თქმით, ამ განცხადებას მეტი გააზრება სჭირდება, რადგან ვერ ვიტყვით თუ რა გახდა განცხადების მიზეზი. პარლამენტის ვიცე-სპიკერი ასევე ამბობს, რომ ოკუპაციის პრობლემა რუსთის ფაქტორის არსებობის გამო ვერ გვარდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.