საფრანგეთის პრეზიდენტმა ემანუელ მაკრონმა პარიზის სიახლოვეს, ვერსალში მის რუს კოლეგასთან, ვლადიმერ პუტინთან პირისპირ შეხვედრა გამართა. როგორც შეხვედრის დასრულების შემდეგ მოწყობილ პრესკონფერენციაზე ითქვა, სხვა საკითხებთან ერთად განხილვის თემები სირიასა და უკრაინაში კონფლიქტები იყო.
რუსეთის დედაქალაქში ორშაბათს, ქარიშხლის შედეგად 11 ადამიანი დაიღუპა. ინფორმაციას ამ წუთებში რუსული საინფორმაციო სააგენტოები ავრცელებენ.
დიდი ბრიტანეთის პრემიერ მინისტრის, ტერეზა მეის ლიდერობა ოპოზიციურ „ლეიბორისტულ პარტიაზე“ მკვეთრად შემცირდა. ამის შესახებ „როიტერსი“ სოციოლოგიურ გამოკითხვებზე დაყრდნობით წერს, რომელიც მანჩესტერში განხორციელებული ტერორისტული თავდასხმის შემდეგ გამოქვეყნდა, რაც იმაზე მიანიშნებს, რომ პოლიტიკური პროცესები უწინდელი პროგნოზით შეიძლება არ განვითარდეს და მან დიდი უპირატესობით ვერ შეძლოს გამარჯვება 8 ივნისის რიგგარეშე საპარლამენტო არჩევნებში, რომლის დანიშვნის გადაწყვეტილებაც თავად მეიმ მიიღო.
საბერძნეთის ყველაზე ცნობილი ვეტერანი პოლიტიკოსი, ქვეყნის ყოფილი პრემიერ მინისტრი კონსტანტინ მიცოტაკისი ორშაბათს გარდაიცვალა. იგი 98 წლის იყო.
ჩრდილოეთ კორეამ, ორშაბათს, ახლო მანძილზე მიმავალი ბალისტიკური რაკეტა გაუშვა, რომელიც მისი აღმოსავლეთ სანაპიროს სიახლოვეს დაეშვა. კვირას კი ჩრდილოეთ კორეის ლიდერმა, კიმ ჩენ ინმა ახალი ანტი-საავიაციო იარაღის სისტემის ტესტირებას გაუწია ზედამხედველობა და მისი მასობრივი წარმოების და მთელ ქვეყანაში განლაგების ბრძანება გასცა.
ამერიკის შეერთებული შტატების მისისიპის შტატში წინა ღამით მომხდარმა სროლებმა 8 ადამიანის, მათ შორის ადგილობრივი შერიფის მოადგილის, 36 წლის ულიამ დარის სიცოცხლე იმსხვერპლა. ინფორმაციას პოლიციაზე დაყრდნობით BBC ავრცელებს.
გერმანიის კანცლერმა ანგელა მერკელმა განაცხადა, რომ ევროპა უკვე „სრულად ვერ იქნება მინდობილი“ შეერთებულ შტატებსა და დიდ ბრიტანეთზე, მას შემდეგ რაც პრეზიდენტად დონალდ ტრამპია არჩეული და „ბრექსიტი“ სახეზეა - ბრიტანეთი ევროკავშირიდან გადის.
საფრანგეთის პრეზიდენტმა ემანუელ მაკრონმა განაცხადა, რომ მისი მძლავრი, მომუჭული ხელის ჩამორთმევა დონალდ ტრამპთან „არ იყო მიამიტი“ და იყო „სიმართლის მომენტი“.
20 მშვიდობიანი მოქალაქე დაიღუპა სირიის ქალაქ რაყას რაიონში აშშ-ის მეთაურობით მოქმედი საერთაშორისო კოალიციის ავიადარტყმის შედეგად. ინფორმაციას ამის შესახებ „რია ნოვოსტი“ სირიის საინფორმაციო სააგენტო „სანა“-ზე დაყრდნობით ავრცელებს.
British Airways-მა ლონდონის ჰიტროუს და გატვიკის აეროპორტებიდან შაბათს, 27 მაისს ყველა ავიარეისის გაუქმების შემდეგ, რაც კომპიუტერულმა პრობლემებმა განაპირობა, კვირას, 28 მაისს, ფრენები განაახლა, თუმცა არა სრული დატვირთვით და არა ჩვეული გრაფიკით.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.