საფრანგეთის ჩრდილოეთ სანაპიროზე „ფლამანვილის“ ატომურ ელექტროსადგურზე აფეთქება მოხდა. ბრიტანული სამაუწყებლო კორპორაცია (BBC) გამოცემა Ouest-France-ზე დაყრდნობით იტყობინება, რომ სამანქანო განყოფილებაში მომხდარი აფეთქების შედეგად, რამდენიმე ადამიანი დაშავდა.
შეერთებული შტატების სამხედრო ძალებმა სირიის ქალაქ იდლიბის სიახლოვეს, ორი საჰაერო დარტყმისას, ამ თვეში, ალ-ყაიდას 11 წევრი, მათ შორის ოსამა ბინ ლადენის ყოფილი მოკავშირე მოკლეს.
შეერთებული შტატების სენატმა პრეზიდენტ დონალდ ტრამპის მიერ იუსტიციის მინისტრის და გენერალური პროკურორის პოსტზე წარდგენილ კანდიდატურას, ალაბამას სენატორს, ჯეფ სეშენსს, 52 ხმით 47-ის წინააღმდეგ, მხარი დაუჭირა.
რუსეთის მთავარი ოპოზიციური ლიდერი ალექსეი ნავალნი დამნაშავედ სცნეს სხვისი ქონების მითვისებაში და 5-წლიანი პირობითი სასჯელი დააკისრეს, რაც მას მომავალ, 2018 წლის საპრეზიდენტო არჩევნებში ვლადიმერ პუტინის წინააღმდეგ კენჭისყრას უკრძალავს.
კრემლი Fox News -ის წამყვანის შეერთებული შტატების პრეზიდენტთან, დონალდ ტრამპთან ინტერვიუში რუსეთის პრეზიდენტის, ვლადიმერ პუტინის მიმართ გაკეთებულ კომენტარებს „მიუღებელს“ უწოდებს და ამერიკული ტელევიზიისაგან ბოდიშის მოხდას ითხოვს.
აშშ-ის პრეზიდენტმა დონალდ ტრამპმა განაცხადა, რომ მან უთხრა შეერთებული შტატების სასაზღვრო უწყების ოფიციალურ პირებს, „ძალიან დიდი სიფრთხილით“ შეამოწმონ ამერიკაში შემსვლელი ადამიანები.
ინტენსიურმა თოვამ და ზვავებმა ავღანეთსა და პაკისტანში ათეულობით ადამიანის სიცოცხლე იმსხვერპლა. BBC-ის ცნობით, ბოლო სამი დღის განმავლობაში ავღანეთში დაახლოებით 100 ადამიანი დაიღუპა, მათ შორის 16 ქაბულიდან ჩრდილოეთით, ღამით ჩამოწოლილი ზვავის შედეგად.
შეერთებული შტატების ფედერალური სააპელაციო სასამართლო უარს ეუბნება ტრამპის ადმინისტრაციას დაუყოვნებლივ აღადგინოს მოგზაურობის აკრძალვა უწინდელ მდგომარეობაში.
საფრანგეთის „ცენტრისტმა“ კანდიდატმა ემანუელ მაკრონმა, რომელმაც ფრანგული საპრეზიდენტო კამპანია შეანჯღრია, თავის პირველ დიდ სიტყვაში აღთქმა დადო, რომ გააერთიანებს ერს და გააძლიერებს კავშირებს გერმანიასთან.
დონალდ ტრამპმა უკრაინის პრეზიდენტს, პეტრო პოროშენკოს სატელეფონო საუბრისას უთხრა, რომ შეერთებული შტატები იმუშავებს იმისათვის, რომ აღადგინოს მშვიდობა რუსეთის საზღვრის გასწვრივ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.