ფლორიდაში მდებარე კენედის კოსმოსური ცენტრის სასტარტო მოედანზე აფეთქება მოხდა. BBC–ის ცნობით, მოედანზე კოსმოსური კომპანია SpaceX-ი რაკეტას გაშვებისთვის ამზადებდა.
ბრაზილიის სენატმა ბიუჯეტის მანიპულაციის გამო პრეზიდენტ დილმა რუსეფის იმპიჩმენტს ხმა მისცა. იმპიჩმენტს ხმა 61 სენატორმა მისცა, 20 კი წინააღმდეგ წავიდა, რამაც შეადგინა იმპიჩმენტისათვის საჭირო 2/3 -ზე მეტი.
კრასნოდარში ცეცხლსასროლი ავტომატური იარაღით 23 აგვისტოს დაჭრილი ცნობილი ქართველი ბიზნესმენი, მინდია გულუა რეანიმაციული განყოფილებიდან ჩვეულებრივ პალატაში გადაიყვანეს და მის სიცოცხლეს საფრთხე არ ემუქრება. ეს ინფორმაცია Guardian.ge–ს გულუას ოჯახთან დაახლოებულმა პირმა, დაჭრილი ბიზნესმენის ოჯახის ერთ–ერთ წევრზე დაყრდნობით განუცხადა.
გერმანიის ქალაქ ფრანკფურტის აეროპორტიდან მგზავრთა ევაკუაცია განხორციელდა. აღნიშნულ ინფორმაციას გერმანული გამოცემა „ბილდი“ ავრცელებს.
ნახევარ საუკუნეზე მეტი ხნის ინტერვალის შემდეგ შეერთებულ შტატებსა და კუბას შორის რეგულარული საჰაერო მიმოსვლა განახლდება, რითაც ხაზი ესმება ცივი ომის წინანდელ მტრებს შორის ურთიერთობებისა და კავშირების აღდგენას, თუმცა ბევრი საკითხი კვლავ გადაუწყვეტელი რჩება. ამის შესახებ "დოიჩე ველე" იტყობინება.
შეერთებული შტატების პრეზიდენტობის რესპუბლიკელი კანდიდატი დონალდ ტრამპი ოთხშაბათს მექსიკას ეწვევა, მას შემდეგ რაც ეს ქვეყანა მან საარჩევნო კამპანიის დროს არაერთხელ მოიხსენია აგდებულად. ამის შესახებ BBC წერს.
ე.წ. ისლამური სახელმწიფოს ერთ-ერთი ყველაზე ხანგრძლივად მოსამსახურე და ყველაზე მეტად ცნობილი ლიდერი აბუ მუჰამედ ალ-ადნანი სირიაში მოკლეს. ინფორმაციას ამის შესახებ BBC „ისლამურ სახელმწიფოსთან“ ასოცირებულ მედიაზე დაყრდნობით წერს.
იემენში სამოქალაქო ომის მიმდინარეობისას დაღუპულ ადამიანთა რაოდენობამ 10 ათასს მიაღწია. აღნიშნული განცხადება იემენის საკითხებში გაეროს სპეციალურმა კოორდინატორმა ჯეიმი მაკგოლდრიკმა გააკეთა.
ყირგიზეთის დედაქალაქ ბიშკეკში მდებარე ჩინეთის საელჩოსთან თვითმკვლელმა თავი აიფეთქა, რის შედეგადაც საელჩოს სამმა თანამშრომელმა დაზიანებები მიიღო. BBC-ის ინფორმაციით, სამივე პირი ყირგიზეთის მოქალაქეა. ისინი საავადმყოფოში გადაიყვანეს.
უზბეკეთის პრეზიდენტი ისლამ აბდუგანიევიჩ კარიმოვი რეანიმაციულ განყოფილებაშია გადაყვანილი. აღნიშნულ ინფორმაციას პრეზიდენტის შვილი ლოლა კარიმოვა-ტილიაევა ადასტურებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.