ვენესუელას უზენაესმა სასამართლომ ოპოზიციის ლიდერს, ხუან გუაიდოს ქვეყნის დატოვება აუკრძალა და ამავე დროს გაუყინა საბანკო ანგარიშები. გუაიდომ ერთი კვირის წინ საკუთარი თავი ქვეყნის დროებით პრეზიდენტად გამოაცხადა და მის ამ გადაწყვეტილებას მხარი დაუჭირა შეერთებულმა შტატებმა, კანადამ, ლათინური ამერიკის ქვეყნების უმრავლესობამ.
საქართველოს თავდაცვის ძალების I ქვეითი ბრიგადის სწრაფი რეაგირების ასეული „მტკიცე მხარდაჭერის“ მისიაში ოფიციალურად ჩაერთო. უფლებამოსილების გადაბარების ცერემონიალი მაზარ-ი-შარიფში, გერმანულ სამხედრო ბაზა „მარმალზე“ გაიმართა. I ქვეითი ბრიგადის სწრაფი რეაგირების ასეულმა უფლებამოსილება II ქვეითი ბრიგადის გაძლიერებული ასეულისგან გადაიბარა.
ნიუ იორკში მანჰეტენზე ამერიკელი მილიარდერის მრავალსართულიანი საცხოვრებელი სახლის ლიფტში პარასკევ საღამოდან ორშაბათ დილამდე გაჭედილი 53 წლის მარიტეს ფორტალიზა მეხანძრეებმა გამოიყვანეს მას შემდეგ, რაც ორშაბათს, ადგილობრივი დროით დილის 10:00 საათზე ქალაქის სახანძრო-სამაშველო სამსახურში საგანგებო გამოძახების შესახებ ზარი შევიდა.
საქართველოს თავდაცვის მინისტრმა, ლევან იზორიამ წელს მედიასთან პირველი შეხვედრა ახალ ფორმატში - პროექტ „მინისტრის პირისპირ“ ფარგლებში გამართა.
2020 წლიდან ეროვნული გამოცდების წესში ცვლილებები შედის და აბიტურიენტებს ოთხი საგნის ნაცვლად, სამ სავალდებულო საგანში ექნებათ გამოცდა ჩასაბარებელი. სიახლე ისაა, რომ სავალდებულო აღარ იქნება ზოგადი უნარების გამოცდის ჩაბარება - უნივერსიტეტებს აქვთ უფლება, დაამატონ პროგრამის რელევანტური არჩევითი გამოცდა ზოგადი უნარების გამოცდის ჩათვლით.
საქართველოს თავდაცვის მინისტრმა ლევან იზორიამ პროექტ „მინისტრის პირისპირ” ფარგლებში, მედიის წარმომადგენლებთან შეხვედრისას მიმდინარე წელს დაგეგმილ წვრთნებთან დაკავშირებით დეტალურად ისაუბრა.
შეერთებული შტატების ჩრდილოეთ კაროლინას დიუკის უნივერსიტეტის სამაგისტრო პროგრამების დირექტორი, პროფესორი მეგან ნიილი თანამდებობიდან გაათავისუფლეს მის მიერ ჩინელი სტუდენტებისთვის გაგზავნილი ელექტრონული წერილის გამო, სადაც დაჟინებით მოუწოდებდა მათ არ ესაუბრათ ჩინურად, რადგან ბიოსტატისტიკის სამაგისტრო პროგრამის ორმა სტუდენტმა, რომელთა ვინაობაც არ დასახელებულა, მას იმის შესახებ შესჩივლეს, რომ უნივერსიტეტის დეპარტამენტის საჯარო სივრცეებში ჩინელი სტუდენტები „საკმაოდ ხმამაღლა“ ჩინურად საუბრობდნენ.
შეერთებულმა შტატებმა გააფრთხილა ვენესუელა, რომ ამერიკელი დიპლომატების ან ოპოზიციის ლიდერის, ხუან გუაიდოსადმი ნებისმიერ მუქარას „მნიშვნელოვანი პასუხი“ გაეცემა.
ბრაზილიის ხელისუფლებამ ათასობით ადამიანის ევაკუაციის შესახებ გამოაცხადა მას შემდეგ, რაც ქვეყნის სამხრეთ-აღმოსავლეთ ნაწილში ერთ-ერთი კაშხალი ჩამოინგრა და არსებობს მეორე კაშხლის ნგრევის რისკი, იტყობინება BBC.
მოკლულია სულ მცირე 27 ადამიანი ფილიპინებზე, ქვეყნის სამხრეთ ნაწილში მდებარე რომაულ კათოლიკურ ტაძართან ორი ბომბის აფეთქების შედეგად. პირველი აფეთქება უშუალოდ კუნძულ ჯოლოზე მდებარე ტაძარში მაშინ მოხდა, როცა მორმწუნეები საკვირაო წირვა-ლოცვას ესწრებოდნენ და როგორც კი ჯარისკაცებმა აფეთქებას პასუხი გასცეს, ავტომობილების პარკში მეორე მოწყობილობა ამოქმედდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.