რამდენიმე წუთის წინ სააკაშვილის მხარდამჭერებმა, რომლებიც „შეგინის“ სასაზღვრო-გამშვებ პუნქტთან უკრაინის მხარეს იმყოფებოდნენ, გაარღვიეს მესაზღვრეთა კორდონები, მივიდნენ უკრაინა-პოლონეთის საზღვრის ნეიტრალურ ზონაში და მიხეილ სააკაშვილი უკრაინის ტერიტორიაზე გადაიყვანეს.
მას შემდეგ რაც საქართველოს ყოფილ პრეზიდენტს, მიხეილ სააკაშვილს პოლონეთიდან უკრაინაში მატარებლით გადაადგილების საშუალება არ მიეცა, იგი უკრაინის საზღვარს ავტობუსით მიადგა. სასაზღვრო-გამშვები პუნქტი უკრაინის სპეცდანიშნულების რაზმებს აქვთ გადაკეტილი და იქ გადაადგილება ამ დროისთვის ყველასათვის შეზღუდულია.
უკრაინაში მატარებლით გამგზავრების გეგმის ჩაშლის შემდეგ მიხეილ სააკაშვილმა გადაწყვიტა, რომ ქვეყანაში ისევ ავტობუსით შევიდეს, თუმცა უცნობია, რომელი სასაზღვრო-გამშვები პუნქტით აპირებს უკრაინაში შესვლას საქართველოს ყოფილი პრეზიდენტი.
მიუხედავად იმისა, რომ მიხეილ სააკაშვილმა რამდენიმე საათის წინ განაცხადა, რომ მატარებელი, რომელშიც იგი მის მხარდამჭერებთან ერთად იმყოფებოდა, პოლონეთიდან უკრაინაში გაემგზავრებოდა მას შემდეგ, რაც საქმეში ევროპარლამენტარი იაცეკ სარიუშ-ვოლსკი ჩაერია, მატარებელი კვლავ არ გასულა უკრაინის მიმართულებით, თავად სააკაშვილმა კი მორიგი ინტერვიუ ჟურნალისტებს ბაქანზე მისცა.
საქართველოს პრემიერ მინისტრმა გიორგი კვირიკაშვილმა იმერეთში, კახეთში და რაჭა-ლეჩხუმ-ქვემო სვანეთში „ქართული ოცნების“ მერობის კანდიდატების დასახელების შემდეგ, მმართველი პარტიის კანდიდატები გურიაში წარადგინა.
პოლონეთიდან უკრაინაში მატარებლით გამგზავრებამდე მიხეილ სააკაშვილმა საქართველოს „საზოგადოებრივი მაუწყებლის“ და ტელეკომპანია „იმედის“ ჟურნალისტების შეკითხვებზე პასუხების გაცემისაგან თავი შეიკავა და მათ „ივანიშვილის ჩვეულებრივი აგენტები“, ხოლო აღნიშნულ სატელევიზიო არხებს კი „ივანიშვილის დაქირავებული ცრუპენტელა არხები“ უწოდა.
რამდენიმე წუთის წინ მიხეილ სააკაშვილმა განაცხადა, რომ მატარებელი, რომელშიც იგი მის მხარდამჭერებთან ერთად იმყოფება, პოლონეთიდან უკრაინაში გაემგზავრება და ეს მას შემდეგ გახდა შესაძლებელი, რაც საქმეში ევროპარლამენტარი იაცეკ სარიუშ-ვოლსკი ჩაერია.
პოლონეთიდან უკრაინის მიმართულებით გასამგზავრებლად გამზადებული მატარებელი, რომელშიც საქართველოს ყოფილი პრეზიდენტი მიხეილ სააკაშვილი და მისი მხარდამჭერები იმყოფებიან, მანამ არ გაემგზავრება, სანამ მას სააკაშვილი არ დატოვებს.
მიხეილ სააკაშვილმა თავისი გეგმა შეცვალა და იგი პოლონეთიდან უკრაინაში ძველი მარშრუტით აღარ შევა. იგი ქალაქ ლვოვში მატარებლით ჩასვლას აპირებს. ამის მიზეზად საქართველოს ყოფილმა პრეზიდენტმა დაასახელა ის, რომ კრაკოვეცის საზღვარზე ე.წ. ტიტუშკები არიან მობილიზებული და შესაძლოა იქ რაიმე პროვოკაცია მოხდეს.
საქართველოს ყოფილი პრეზიდენტი მიხეილ სააკაშვილი მეუღლესთან და მის მცირეწლოვან შვილთან, ასევე ევროპარლამენტარებთან, უკრაინის ოპოზიციის წარმომადგენლებთან და ჟურნალისტებთან ერთად პოლონეთიდან კრაკოვეცის სასაზღვრო გამშვები პუნქტისკენ მიემგზავრება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.