გუშინ ამერიკის სენატში გამართული მოსმენა კიდევ ერთი დასტურია იმისა, თუ რამდენად მნიშვნელოვანია ჩვენი მთავარი სტრატეგიული პარტნიორისათვის საქართველოსთან ურთიერთობა და საქართველოში დემოკრატიული ინსტიტუტების გაძლიერების ხელშეწყობა, - ამის შესახებ განცხადებას საქართველოს პრეზიდენტი სალომე ზურაბიშვილი ავრცელებს.
ჩვენ უნდა გავითვალისწინოთ, რომ გუშინ სენატის საგარეო პოლიტიკური კომიტეტის სხდომაზე ერთმანეთს დაუპირისპირდნენ დემოკრატიული მომავლის ამერიკა და ტრამპის კონსერვატიული და დამარცხებული ამერიკა, - განაცხადა „ლეიბორისტული პარტიის“ თავმჯდომარემ, შალვა ნათელაშვილმა დღეს გამართულ ბრიფინგზე.
მოწოდებები ორივე მხარეს იყო, თუმცაღა ნიშანდობლივია ის, რომ სენატორი რიშის განცხადებებში ცალსახად, მკაფიოდ იკვეთებოდა, რომ უდიდესი წილი პასუხისმგებლობის, ამ კრიზისიდან ქვეყნის გამოყვანის და შეთანხმების მიღწევის, რა თქმა უნდა, არის ხელისუფლებაზე და ეს ყველას ძალიან კარგად გვესმის, - განაცხადა „ერთიანი ნაციონალური მოძრაობის“ წევრმა თინათინ ბოკუჩავამ აშშ-ის სენატის ვროპისა და რეგიონული თანამშრომლობის ქვეკომიტეტში საქართველოს შესახებ გამართული მოსმენების შეფასებისას.
ქართულ პოლიტიკურ სპექტრს ექნება მცდელობა, სენატში გამოთქმულ მოსაზრებებს სათავისო ინტერპრეტაცია გაუკეთონ, მაგრამ ფაქტი ფაქტად რჩება - სენატის შეფასებით, საქართველო არის პროდასავლური დემოკრატიული ქვეყანა და მისაბაძი ლიდერი რეგიონში, ხოლო „ქართულმა ოცნებამ“, როგორც პროდასავლურმა ძალამ, მიაღწია მნიშვნელოვან პროგრესს, - განაცხადა საპარლამენტო უმრავლესობის წევრმა, კახა კუჭავამ.
ამერიკელი სენატორი, სენატის ვროპისა და რეგიონული თანამშრომლობის ქვეკომიტეტის თავმჯდომარე ჯინ შაჰინი სენატში, სენატში საქართველოს შესახებ გამართული მოსმენების შემდეგ „ტვიტერში“ ვიდეომიმართვას ავრცელებს და გამოხატავს იმედს, რომ საქართველოში არსებული „ამჟამინდელი ჩიხი“ მოლაპარაკების გზით და ოპოზიციის პარლამენტში შესვლით დასრულდება.
„რესპუბლიკელმა“ სენატორმა,სენატის საგარეო ურთიერთობათა კომიტეტის თანათავმჯდომარემ, ჯიმ რიშმა აშშ-ის სენატის ევროპისა და რეგიონული უსაფრთხოების თანამშრომლობის ქვეკომიტეტის სხდომაზე, საქართველოს საკითხზე მოსმენისას განაცხადა, რომ დღეს საქართველოს წინაშე არსებულ კრიზისზე პასუხისმგებლობა ყველა მხარეს ეკისრება.
ამერიკელმა დიპლომატმა, აშშ-ის სახელმწიფო მდივნის თანაშემწის მოადგილემ ევროპულ და ევრაზიულ საქმეებში ჯორჯ კენტმა აშშ-ის სენატში, სადაც საქართველოს საკითხზე მოსმენა გაიმართა, რუსულ აგრესიასა და საქართველოს წინაშე არსებულ გამომწვევებზეც ისაუბრა და თქვა, რომ როდესაც შენ გვერდით არის სახელმწიფოები – რუსეთი, თურქეთი და ირანი, ეს სამი იმპერია და როდესაც არსებობს ასეთი საფრთხე, საქართველომ უნდა გააერთიანოს ძალები, დაალაგოს შიდა თამაშის წესები და ფოკუსირებული იყოს რეალურ გამოწვევებზე.
როდესაც ვუსმენთ ქართველებს, მათ შორის ახალ პრემიერ-მინისტრს, რომელიც თავდაცვის მინისტრი იყო და რომელთანაც ახლოს ვმუშაობდით, საქართველოს გზისადმი ერთგულება და მათი სტრატეგიული მიზანი აშკარაა, – განაცხადა ამერიკელმა დიპლომატმა, აშშ-ის სახელმწიფო მდივნის თანაშემწის მოადგილემ ევროპულ და ევრაზიულ საქმეებში ჯორჯ კენტმა აშშ-ის სენატში, სადაც საქართველოს საკითხზე მოსმენა გაიმართა.
ბევრი მიიჩნევდა, რომ მელიას დაკავება იქნებოდა შოკი პოლიტიკური კულტურისთვის, სამწუხაროდ, ყოფილი პრემიერ-მინისტრის შიში გამართლდა. მელიამ დაარღვია მისი გათავისუფლების პირობები და მოიხსნა ელექტორნული სამაჯური. ამ სიტუაციაში უდნაშაულო არავინაა, – განაცხადა აშშ-ის სახელმწიფო მდივნის მეორე მოადგილემ, ჯორჯ კენტმა და დასძინა, რომ საჭიროა წესებზე შეთანხმება და ამ წესების დაცვა.
საქართველოში შექმნილი ჩიხიდან გამომდინარე, ერთადერთი მოგებული რუსეთია. რუსეთი ქაოსისგან სარგებელს იღებს. ოპოზიციის წევრების ციხეში გატარებული თითოეული დღე რუსეთის გამარჯვებაა, - განაცხადა სენატორმა ჯინ შაჰინმა აშშ-ის სენატის საგარეო ურთიერთობათა კომიტეტის ევროპისა და რეგიონული თანამშრომლობის ქვეკომიტეტის სხდომაზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.