შინაგან საქმეთა სამინისტროს თანამშრომლებმა თბილისში, არასრულწლოვანთა შრომითი ექსპლუატაციის ფაქტზე, მოსამართლის განჩინების საფუძველზე ორი პირი დააკავეს.
ეკა ბესელია პარლამენტის დროებითი საგამოძიებო კომისიის მუშაობის შეფასებისას აცხადებს, რომ კომისია თანდათანობით კანონის მოთხოვნებს სცილდება და არ აქვს ის ლეგიტიმაცია, რომელიც მას პარლამენტმა მისცა, რისი დასტურიც ბესელიას აზრით, გუშინდელი დღეც იყო, როცა სხდომაზე კომისიის ოპოზიციური წევრების მიერ კუპრავას მიმართ მხოლოდ ორი შეკითხვა დაისვა, ხოლო თავად კუპრავა კი „კომისიის წევრებს პერსონალურ შეურაცხყოფას აყენებდა“.
ფრაქცია „ქართული ოცნების“ თავმჯდომარე, პარლამენტის დროებითი საგამოძიებო კომისიის წევრი მამუკა მდინარაძე განცვიფრებას ვერ მალავს იმასთან დაკავშირებით, რაც მან კომისიის დღევანდელ სხდომაზე ტელევიზიის მეშვეობით იხილა.
შს მინისტრის მოადგილისთვის ხორავას ქუჩის მკვლელობის საქმეზე ყველა ფიგურანტის დაკავების შესახებ არასწორი ინფორმაცია არ მიმიწოდებია, ასე უპასუხა შინაგან საქმეთა სამინისტროს თბილისის პოლიციის დეპარტამენტის დირექტორმა, შალვა ბედოიძემ პარლამენტში დროებითი საპარლამენტო საგამოძიებო კომისიის სხდომაზე კომისიის წევრ ირმა ნადირაშვილს.
გამომძიებელი: „გადაუდებელი აუცილებლობიდან გამომდინარე კამერების ჩანაწერების ამოღება არ მოხდა, ჩანაწერებს საფრთხე არ ემუქრებოდა“ – ამის შესახებ შინაგან საქმეთა სამინისტროს თბილისის პოლიციის დეპარტამენტის დეტექტივების სამმართველოს პირველი განყოფილების გამომძიებელმა, ირაკლი ფიფიამ პარლამენტში.
„იმ შემთხვევაში თუ მოხდებოდა იმ პირის იდენტიფიცირება და თუ გვექნებოდა დასაბუთებული ვარაუდი რომ გ.მ.-ს დაზიანება მიყენებული იყო კონკრეტული პირის მიერ, რა თქმა უნდა მას წარედგინებოდა ბრალდება და მერე ცალკე წარმოებად წარიმართებოდა საქმე, თუმცა ამ შემთხვევაში გამოძიებამ გამოკითხა ყველა პირი“, განაცხადა ხორავას ქუჩის საქმეზე შექმნილი დროებითი საგამოძიებო კომისიის სხდომაზე საქმის გამომძიებელმა ირაკლი ფიფიამ.
შინაგან საქმეთა სამინისტროს თბილისის პოლიციის დეპარტამენტის დირექტორმა, შალვა ბედოიძემ ხორავას ქუჩის მკვლელობის საქმეზე შექმნილ პარლამენტის დროებით საგამოძიებო კომისიას უთხრა, რომ 35 დღის განმავლობაში, რომელიც მათ კანონით ჰქონდათ განსაზღვრული, ყველა საგამოძიებო მოქმედების ჩატარება შეუძლებელი იყო, თუმცა მიიჩნევს, რომ არასრულწლოვნების მკვლელობის საქმეზე გამოძიება სწორად იქნა წარმართული.
თვითმხილველების ინფორმაციით, ბავშვი მარტო იყო და მას არ ახლდნენ მშობლები. ადგილზე მყოფი მოქალაქეები პოლიციას არასრულწლოვანის გადაყვანის უფლებას არ აძლევდნენ, რასაც დაპირისპირება მოჰყვა.
საქართველოს სახალხო დამცველის განცხადებით, შინაგან საქმეთა სამინისტროში გამართულ შეხვედრაზე გადაწყდა, რომ ხორავას ქუჩაზე მომხდარი მკვლელობის საქმესთან დაკავშირებით, ვინაიდან ბრალის წარდგენა პროკურატურის პრეროგატივაა, მსჯელობა სამუშაო რეჟიმში სწორედ პროკურატურასთან გაგრძელდება.
ერთადერთი, ვინც გ.მ -ს დაჭრის შესახებ გვაწვდიდა ინფორმაციას იყო გ.ბ, რომელიც დაკავების შემდგომ გამოძიებასთან აღარ თანამშრომლობდა, განაცხადა გამომძიებელმა ირაკლი ფიფიამ ხორავას ქუჩის მკვლელობის საქმის გამო შექმნილ პარლამენტის დროებითი საგამოძიებო კომისიის სხდომაზე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.