გერმანიის ფედერაციული რესპუბლიკის კანცლერი ანგელა მერკელი ყოფილი პრეზიდენტის, ედუარდ შევარდნაძის გარდაცვალებას მის ოჯახს და ქართველ ხალხს უსამძიმრებს.
პრემიერ-მინისტრსა და მთავრობას მიზანშეწონილად, სასურველად მიაჩნიათ ნატო-ს სამიტში საქართველოს პრეზიდენტმა მიიღოს მონაწილეობა - ამის შესახებ საქართველოს საგარეო საქმეთა მინისტრმა მაია ფანჯიკიძემ ჟურნალისტებს განუცხადა. მისივე თქმით, ამ საკითხზე მთავრობამ პრემიერთან ერთად იმსჯელა.
"ჩვენი ხალხის, ჩვენი ქვეყნის ნიჭიერების მჯერა და მჯერა, რომ ჩვენი სახელმწიფო ერთ დღეს ძალიან გამართული იქნება" - განაცხადა საქართველოს პრემიერ-მინისტრმა, ირაკლი ღარიბაშვილმა განათლების საერთაშორისო ცენტრის მიერ დაფინანსებულ სტუდენტებთან შეხვედრისას.
ვაშინგტონი მკაცრად გმობს ისრაელზე სარაკეტო შეტევების გაგრძელებას და ტერორისტული ორგანიზაციების მიერ მშვიდობიან მოქალაქეებზე თავდასხმას ღაზას სექტორში და პალესტინის პრეზიდენტს მაჰმუდ აბასს ყველა იმ შესაძლებელი ნაბიჯის გადადგმისკენ მოუწოდებს, რაც "ჰამასის" "ბოევიკების" მიერ ისრაელის ტერიტორიის სარაკეტო შეტევებს შეაჩერებს.
პალესტინელმა რადიკალებმა თელ-ავივის მიმართულებით რაკეტა გაუშვეს, რომელიც ჰაერსაწინააღმდეგო თავდაცვის სისტემებმა გაანადგურეს. ამის შესახებ ისრაელის პოლიციაში განაცხადეს. "ევრონიუსის" ინფორმაციით კი ღაზას სექტორში ისრაელის მიერ განხორციელებული ავიაშეტევის შედეგად სულ მცირე 27 პალესტინელი დაიღუპა.
საქართველოში ამერიკის შეერთებული შტატების ელჩის რიჩარდ ნორლანდის განცხადებით, ამერიკელებს აქვთ ინტერესი, ჩამოვიდნენ და დაესწრონ ედუარდ შევარდნაძის დაკრძალვის ცერემონიას. მისი თქმით, ამჟამად მიმდინარეობს გარკვევა, თუ ვინ იქნება ეს დელეგაციები.
ბერლინში, დიდი სკანდალი გამოიწვია იმ ფაქტმა, რომ გერმანიის სპეცსამსახურის თანამშრომელი იმხილება აშშ-ს სასარგებლოდ სადაზვერვო საქმიანობაში. საქმე იქამდე მივიდა, რომ კანცლერმა მერკელმა გაგულისებულმა განაცხადა, რომ იგი გადახედავს აშშ-სთან მომავალი "თანამშრომლობის მიზანშეწონილობას".
პრემიერ-მინისტრმა ირაკლი ღარიბაშვილმა და სამთავრობო გუნდის წარმომადგენლებმა ედუარდ შევარდნაძის ოჯახს სამძიმარი გამოუცხადეს. მთავრობის წევრებმა კრწანისში ედუარდ შევარდნაძის საცხოვერებელი სახლი ცოტა ხნის წინათ დატოვეს.
იუსტიციის მინისტრ თეა წულუკიანის განცხადებით, იმ შემთხვევაში, თუ სასამართლო დაადგენს, რომ თბილისის ყოფილი მერი გიგი უგულავა დამნაშავეა, ის ციხეში ჩაჯდება.
სააპელაციო სასამართლომ თბილისის ყოფილი მერის გიგი უგულავას ადვოკატებს საჩივრის განხილვაზე უარი უთხრა. საუბარია საქალაქო სასამართლოს წინასწარი ორთვიანი პატიმრობის შეფარდების გადაწყვეტილებაზე, რომელსაც ადვოკატები ასაჩივრებდნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.