გიორგი მარგველაშვილი „ყოველთვის ცდილობდა დანიშვნებში ჩაედო საკუთარი სუბიექტური პოლიტიკური ინტერესი, და სწორედ ამის გამო ნიშნავდა თავის თანამშრომლებს სასამართლო სისტემაში“, განაცხადა პარლამენტის თავმჯდომარემ, ირაკლი კობახიძე ჟურნალისტებთან საუბრისას.
ახალი გუბერნატორების დანიშვნას ეხმაურება ფრაქცია „ერთიანი ნაციონალური მოძრაობის“ თავმჯდომარე რომან გოცირიძე. როგორც მან „რუსთავი 2“-ის ეთერში განაცხადა, რეგიონების გუბერნატორებად ძალოვან უწყებებთან კავშირში მყოფი „ოდეერები“ ინიშნებიან და ამაში თავად ბიძინა ივანიშვილის ინტერესები იკვეთება.
მთავრობის ადმინისტრაციის რეგიონული მიმართულების ხელმძღვანელის, სოზარ სუბარი „ქრონიკის“ ეთერში აცხადებს, რომ შიდა ქართლის გუბერნატორი გიორგი ხოჯევანიშვილი მუშაობდა სასჯელაღსრულების და პრობაციის სამინისტროში, მისი მინისტრობის პერიოდში რამოდენიმე თვე, თუმცა მან თანამდებობა თავისი სურვილით დატოვა. სუბარის თქმით, გიორგი ხოჯევანიშვილს დადებით აფასებდნენ მისი ყოფილი თანამშრომლები და შიდა ქართლის რეგიონის დეპუტატები, ასევე ის ამბობს, რომ უკვე შიდა ქართლის გუბერნატორმა მისი კუთხის სიყვარულის გამო თქვა უარი იმ მაღალ ანაზღაურებაზე, რომელიც მას კერძო სექტორში ჰქონდა.
„ახალ ხედვებს, ახალ მიდგომებს, სჭირდება ახალი ადამიანები“, ასე შეაფასა მთავრობის ადმინისტრაციის რეგიონული სამსახურის უფროსმა, სოზარ სუბარმა „იმედის“ პირდაპირ ეთერში ჩართვისას გუბერნატორების მასობრივი დათხოვნა და სახელმწიფო რწმუნებულებად ახალი კადრების დანიშვნა.
ფრაქცია „ევროპული საქართველოს“ ერთ-ერთი წევრი აკაკი ბობოხიძე ახალი გუბერნატორების დანიშვნას ეხმაურება, როგორც ბობოხიძე აცხადებს უმჯობესი იქნებოდა თუ გუბერნატორებს ხალხი აირჩევდა და პოლიტიკური ნიშნით არ დანიშნავდნენ.
ქარელის მუნიციპალიტეტის სოფელ ხვედურეთში ჯარისკაცი ტყვიამ იმსხვერპლა. „რუსთავი 2"-ის ინფორმაციით, შემთხვევა ქარელი-სკრა-გორის დამაკავშირებელი გზის მიმდებარე ტერიტორიაზე, ტყესთან ახლოს მოხდა. ჯარისკაცს ჭრილობები სანადირო თოფით აქვს მიყენებული.
სასჯელაღსრულების და პრობაციის სამინისტროს საზოგადოებასთან ურთიერთობის დეპარტამენტის ყოფილი ხელმძღვანელი ირაკლი კორძაია სოციალურ ქსელ „ფეისბუქში“ შიდა ქართლის გუბერნატორის, გიორგი ხოჯევანიშვილის წარსულზე წერს და „ქართულ ოცნებას“ კიდევ ერთ პორტირებულ წევრს ულოცავს. კორძაია წერს, რომ ხოჯევანიშვილი 2011-2013 წლებში სწორედ სასჯელაღსრულების და პრობაციის სამინისტროს საერთაშორისო დეპარტამენტის უფროსი იყო და იმ პერიოდში არსებულ ვითარების შესახებ შიდა ქართლის ახლად დანიშნული გუბერნატორი ელჩებს და საერთაშორისო ორგანიზაციებს ატყუებდა.
„ქართული ოცნების“ დეპუტატი ზაზა გაბუნია ახლად დანიშნულ გუბერნატორებს წარმატებებს უსურვებს და ამბობს, რომ ისინი უნდა იყვნენ დამაკავშირებელი ხიდი საქართველოს მოსახლეობასა და მმართველ გუნდს შორის.
ოპოზიციური პოლიტიკური პარტიების „ძალა ერთობაშია“-ს საპრეზიდენტო კანდიდატმა, გრიგოლ ვაშაძემ გურიაში ამომრჩეველთან გამართული შეხვედრის შემდეგ მედიას დაბეჯითებით უთხრა, რომ „აუცილებლად იგებს“ საპრეზიდენტო არჩევნებს, რის შემდეგაც ასევე მოიგებენ ვადამდელ საპარლამენტო არჩევნებს.
პრეზიდენტის კონსულტაციები უზენაესი სასამართლოს თავმჯდომარის კანდიდატის შერჩევაში დასკვნით ფორმატში გადადის. „ევროპული საქართველოს“ წევრები დღეს პრეზიდენტის ადმინისტრაციასთან კონსულტაციებს გამართავენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.